اذا عندك خبر وتبي تبلغه لأحد يعز عليك وما تبيه ينصدم ما لك الا طريقة خوينا ذه ....
أفضل اسلوب في العالم
دخل على زوجته وهي مشغوله بالبيت وناداها :
هو: يافلانه !
هي: سم
هو : تعالي ابيك لو سمحتي
هي : شعندك
هو : تعالي و اعلمك
هي : ياحبيبي مشغوله اكوي ملابسك
هو : خلي الكوي وتعالي
هي : طيب
ثواني وهي جايه بلبس روعه وريحتها اروع وابتسامتها ماليه وجهها
هي : سم امر حبيبي
ناظرها بابتسامه صفراء وقال : تراني اعرست عليك !
جلست على الكرسي وهي تناظره وقالت بصوت يرتجف : وش قلت ؟
هو : اقول تراني اعرست عليك ويالله قومي خذي لك ملابس
وروحي لأهلك ابسافر انا وزوجتي الثانيه كم يوم وراجع !
ناظرته هي مصدقه ومب مصدقه وبدون سابق انذار هب في وجهها
وقال قومي الحين وحطي لك كم خلق ...
ويالله تراني انتظرك بالسياره لا تتأخرين علي ....
طلع وهي تناظره الا مبققه عيونها دهشه من الخبر وحيره من اسبابه !
دقايق معدوده وهي تفتح الباب وتركب معه وبصوت يكاد يختنق
قالت : لو سمحت ممكن تجيب الشنطه ؟!
نزل من السياره واخذ شنطتها وحطها بالمقعد الخلفي ... شغل السياره
وتوجه لبيت اهلها ... شوي وهم واصلين للبيت ...
وصلو للبيت وقالها : تفضلي انزلي ...
فتحت الباب ونزل قبلها واخذ الشنطه وجاء من عند بابها ومسك يدها !
وقالها : حبيبتي تراني ما اعرست عليك ولا هم يحزنون !
بس ترا ابوك مات !!!