حلى متنوع و أطبآق سهلة , بوقت قصير

| حلى البسكوت وجوز الهند |

بتقولون هذا كوكيز ههههههههه .

لا , هو بصراحه لا فيه طحين ولا سكر ولا بيض ..
هو حلى ينحط بصينيه بس انا شكلته بهالشكل لأن حسيت أنسب له

هالحلى جداً سهل وبسيط ومقاديره شوي وما ياخذ وقت

وش احسن من كذا ؟

| المقادير والطريقه مع بعض | :

نطحن علبة بسكوت شاي كبيره .. - 44 حبه يعني -

هذا النوع رهيييييب لا تفكرون تسسون بغيره .

وبعد مانطحنها نضيف عليها ربع كاس جوز هند ونحركهم ,

ثم نضيف عليها اصبع زبده لين - بدرجة حرارة الغرفه -

ونفركهم مع بعض زين لما تصير مثل عجينة الباي المفتته .

ثم نضيف على هالخليط ثلث كاس حليب مركز محلى - حليب نستله - .

ونعجن لما تتكون عجينه متماسكه .

* ممكن تزيدين من حليب النستله شوي ان ما كانت متماسكه .

بعدها تضيفين حبات الشوكولاته .. استخدمت النوع اللي من هيرشي , بالتحديد نوع السيمي سويت .

ونكورها ولكور صغيره ونضغط عليها عشان تعطينا هالشكل .

ونحطها في صينيه عليها ورق زبده

وندخلها لفرن مشغل - من تحت - مسبقاً على درجة حرارة 360 لمدة 10 دقايق .

ونطلعها ونغطيها لما تبرد شوي ونقدمها

لذيذ

نخش بالدسم ,

| دجاج بصوص المتبل الفرنسي |

بصراحه هالشي جبت فكرته من مطعم ,

قبل فتره اخوي طلب دجاج بالصوص الفرنسي .. قلنا اكيد انه شي غريب وخيالي ,
طلع اخرتها دجاج مقلي عليه صوص فرنسي وكريمه :/ ,
يعني هالشي بسيط يمدي يتسوى بالبيت , والأهم ما ياخذ وقت .

| الطريقه والمقادير مع بعض | :

صدور دجاج نسوي فيها خطوط بالسكين ونبهرها ونملحها ونخليها بالثلاجه على مانجهز باقي الأغراض .

نجيب بصل ونقطعه لشرايح طويله ونحمسه مع زبده وشوية زيت لما يذبل ..
ونحط عليه نص مكعب ماجي ( نبي نكهه خفيفه بس )

ونحط الدجاج عليه .. وبعد دقايق نقلبه للجهه الثانيه ..

وبعدها بدقايق نشيل البصل ونخليه عشان بنستخدمه بعدين - ماخليته عشان ما ابيه يتحمر اكثر -
الحين نخلي دجاج ع النار لما يستوي ,
وبعدها نشيله .

الأفضل ان نرجع البصل لنفس القدر ونكمل الخطوات الباقيه ,

بس انا ما انبهت على كمية من البصل كانت موجوده ماشلتها وتحمرت كثير وبيصير طعمها واضح بالصوص لو بسويه بنفس القدر :/ .
فاضطريت اغيره .

الحين نرجع البصل في قدر ع النار ونضيف عليه كريمة خفق وحبتين جبن كيري .

لما تذوب الجبنه وتتمازج مع الكريمه نضيف عليها 3 ملاعق طعام المتبل الفرنسي - ماغيره حق السلطه - .

ونحركه لما يبدا الصوص يثقل ويسخن .

نصبه فوق الدجاج اللي ع الصحن ونقدمه .

.

.

| دجاج بـ دبس الرمان والخضار |

| الطريقه والمقادير مع بعض | :

نقطع صدور دجاج لمكعبات متوسطه

ونتبلها قبل بـ ليلة بـ [ عصير نص ليمونه + ملعقه كبيره دبس رمان + فص ثوم مفروم ]
ونخليها بالثلاجه .

بعد ما تاخذ وقتها بالتتبيل ..

نحمس بصل مقطع لشرايح طويله مع زيت لما يذبل
ونضيف عليه الدجاج ونخليه لما ينشف الماي حقه .

ونقلبه ونضيف عليه مكعب ماجي وشوي ملح وبهارات مشكله - مو كثير رشه خفيفه بس -

ونضيف فلفل بارد ملون - فليفة - مقطعه لشرايح طويله
انا حطيت أحمر وأخضر ,

ونضيف بعد جزر مقطع شرايح .

ونقلب لما تستوي الخضار

ونقدمها .

.

.

.
.

| Buttercream |

- زهقتوا ؟ -

سمعت كثير عن الـ buttercream .. وشفت لها اكثر من طريقه .
بس اخترت اسهل طريقة وطبقتها .

وكانت النتيجه مرضيه ,
ميزتها إن قوامها ممتاز جداً ومو مثل باقي الأنواع لما تكون برا الثلاجه يخرب قوامها ,
بالعكس هذي تبقى مثل ماهي
بس من عيوبها دسامتها وطعمها الحالي جداً .
حاولت اقلل من السكر بحيث انه ما يأثر على قوام الكريمه .

| المقادير والطريقه مع بعض | :

250 غرام زبده - بدرجة حرارة الغرفه -

كاس ونص سكر بودره

ملعقه صغيره فانيلا

3 ملاعق طعام حليب سائل

.
.

أول شي نخفق الزبده مع اضافة السكر شوي شوي ..
ولما نخلص من كل كمية السكر نضيف الفنايلا وملعقتين من الحليب السائل ,

ونخفق شوي وبعدها نزيد السرعه .

بعدين نشوف اذا كانك متماسكه وثقيله مره نضيف آخر ملعقه من الحليب السائل ونخفق .
بعدها نبدى نلونها بألوان الطعام ونحطها بأقماع التزيين ونبدى نزيّن .

بالنسبه لهالأشكال اللي سويتها سويتها بهذا التِب :

شريته من ( تافولا ) .

.
.

* طريقة هالشكل :

شوفوه بهالروابط :

كود:
https://www.youtube.com/watch?v=5c85y0fRNVY&feature=related

كود:
https://www.youtube.com/watch?v=q1e0TqmNmDg&feature=related

الفكره هنا أن احنا نبدى من الوسط للخارج .

.
.

* وبالنسبه لهالشكل :

نفس التِب المستخدم بس الطريقه تختلف وهنا الطريقه :

كود:

https://www.youtube.com/watch?v=Jzo_XrRPfRM&feature=related
الفكره هنا أن نبدأ من الأطراف للداخل .. مع التحريك بشكل بطيء لإضافة ضغط بسيط لعمل هالشكل.

.
.

.
.

| Red Velvet Cake |

.
.

سويتها مرتين ..
مره ما كان عندي ملون الطعام الأحمر , سويتها كب كيك ..

والثانيه حطيت ملون طعام بس للأسف نوعيته مو ممتازه ..اللون خفيف جداً
فما اعطاني الدرجه اللي ابيها
- الكل نصحني بألوان تافولا , كانت عندي وقتها بس الأحمر لا من النحس
-

وناويه اشتري اللي من تافولا واعيدها ان شاء الله , لأن طعمها أعجبني وتستاهل تتسوى أكثر من مره .

بس انتبهوا من ألوان الطعام لا تستخدمونها بكثره لأنها بتصير مضره - نصيحة JINNO -

.
.

الطريقه أخذتها من ( مليسا ) الله يجزاها خير ,

بس الكريمه غيرتها وسويت مثل كريمة الزبده اللي اسويها واضفت عليها جبن فلادلفيا
حبيت الكريمه بصراحه مع إني غالباً ما استسيغ الكريمه

انحاست علي الكيكه بصراحه لأن كان الوقت اللي اسويها فيه ضيق وما امداني انتظرها تبرد كثير وحاست الكريمه بس رقعتها شوي :P

| المقادير | :

ـ إصبع زبده

ـ كاس وربع سكر - هي كاس ونص بس انا قللته لكاس وربع لأن الكريمه اللي بحطها حاليه -

ـ بيضتين

ـ ربع كوب ملون طعام " أحمر "

ـ ملعقتين كبيره كاكاو بودر

ـ كوب بتر ملك Buttermilk أو بأمكانكم إستبداله بكوب حليب وإضافة ملعقه صغيره خلَ عالحليب - وهذا اللي سويته :$ -

ـ كوبين وربع دقيق

ـ ملعقة صغيره فانيلاَ

ـ ملعقة صغيره كربونات الصوديوم

| الطريقة | :

ـ في الخلاط نخلط الزبده والسكر ثم نضيف البيض فوق المزيج بمعدل بيضة واحدة كُل مرة .

ـ في صحن آخر نخلط معاَ الكاكاو وملون الطعام نخلطهم زين لحدَ مايذوب الكاكاو بعدها
نصبه ع خليط الزبده والسكر .

ـ نخفض على سرعه الخلاط ونضيف البتر ملك ثم الدقيق بالتدريج ونحركه كويس.

ـ نضيف الفانيلاَ ونخلط زين ثم نضيف كربونات الصوديوم .

- نجيب مدهونه بزيت , ونرش عليها دقيق - نسيت اسوي خطو الدقيق :$ - ونحط خليط الكيك
وندخله الفرن على درجة حرارة 360 .

لما تستوي الكيكه - نتأكد من هالشي بغرز سكين أو عود اسنان ويطلع نظيف وجاف - =)

الحين نجي للكريمه :

نخفق 250 جرام زبده - بدرجة حرارة الغرفه -

مع اضافة كاس و4/3 سكر بودره بس شوي شوي لما تخلص كل كمية السكر .
بعدها نضيف ملعقة كبيره حليب سائل مع ملعقه صغيره فانيلا .

ونخفق بسرعه لين تتماسك , ونضيف بعدها نص علبة جبن فيلادلفيا ( العلبه الصغيره اللي فيها 200 جرام )

ونخفق بسرعه لدقايق بس تتجانس .

ونحطها بقمع التزيين ونزين .

طبعاً الكيكه قطعتها بالنص ودهنتها بالكريمه بعدين رجعتها على بعض وبديت ازينها ,
وبس

.
.

"

آلسسلآم علييكم
وآآو كل الأطببآق خطييرة و تتفتح آلنفسس
ييعطيك ألف عآفيية
تحيآتي / Dєvil Giгl

~

السّلام عليكم/ـنّ ورحمة الله وبركاته
تسلم أناملك على الأطَبَآقْ الرآئعهَ حلى متنوع و أطبآق سهلة , بوقت قصير 1767382922

حلى متنوع و أطبآق سهلة , بوقت قصير 21797

المهمَ إنها لاتَحتآج لكثيرْ من الوَقت والجهدْ حلى متنوع و أطبآق سهلة , بوقت قصير 3732455405

حلى متنوع و أطبآق سهلة , بوقت قصير 317270518

بالتوفيق.