تعالوا نشوف وش الفرق بين الدراما اليابانية والدراما الكورية ؟

كونبانوا مينــــا ^_^

أوقينكي ديس كا؟!


مادري وين أحط الموضوع؟!...ان شاالله يكون هالقسم مناسب ^_^


تدرون وش الفرق بين المسلسلات اليابانيه و الكوريه؟!!

هذا السوعال دايم يجول في مخي وكلما شفت مسلسل ياباني أو كوري لازم أسوي مقارنات وبحوث وتحقيقات وفلسفات

عاد الحين بترككم مع بحثي ^_^ هع<<<الله يعينكم عالفلسفه

^_* يلله نبدأ

____________________________________________


1-من ناحية " القصة ":

المسلسلات اليابانيه:

حلــــوه لكن أكثر قصصهم مكرره - صحيح أن عندهم أفكار جديده ولكن مافيه الحس الدرامي [يعني حزن وصياح وصدمات وأشياء واقعيه] ....أكثر قصصهم تكون عن المدارس وحب المراهقين..وغالباً تكون أهدافهم تربوية و قصص لها هدف..

الأفكار الجديده مثل المسلسلات التاليه:

Good luck >>قصة طيار

papa to meusumi>>أب وبنته يتبادلون أرواحهم

one pound gospel>>ملاكم مشفوح يقع في حب راهبه

4shimai>>أربع أخوات صغيرات يحققون في جرائم

Daisuki!!>>أم متخلفه تولد وتربي بنتها<<مؤثر

code blue>>أربع أطباء امتياز كل واحد يحاول يكون الأفضل

Gokusen>>معلمه من الياكوزا تدرس أولاد مشاغبين<<تربوي-بس الأحداث نفسها تتكرر في كل حلقه

dragon Zaora>>محامي يساعد 5 طلاب على دخول الجامعه <<مفيد يعلمك طرق المذاكرة

hotaro no hikari>>بنت خبله تعيش مع مديرها<<أنواع الضحك

hana kimi>>بنت تسوي نفسها ولد وتعيش في مدرسة للأولاد<<أنواع الضحك والهبال

hanayomi to papa>>بنت تبي تحب لكن أبوها معقد ويمنعها من الحب<<حسيت أنه سعودي هع

my boss my hero>>شاب كبير من الياكوزا يروح يكمل تعليمه في الثانوي<<مره كوميدي

Life>>يناقش ظاهره في المجتمع الياباني وهي الشغب أو التنمر في المدارس

Sapuri anego>>هالمسلسلين نفس القصه وحتي الممثلين أصدقاء بعد...قصتهم موظف صغير يحب الموظفة اللي أكبر منه (السينباي)

Rookies>>مدرس يساعد طلابه في فريق البيسبول

Puzzel>>معلمه تحل ألغاز عشان تاخذ فلوس وطلابها يساعدونها

Proposal>>واحد تتزوج البنت اللي يحبها ويتحسف ويرجع للزمن ويعدل فيه ويتزوجها

Qween of class room>>معلمه تروع وتدرس طلاب ابتدائي

Zittai kareshi>>بنت تشتري رجل آلي مخصص أنه يكون بوي فريند لكنها ماتحبه

Shibatora>>شرطي كاوايي كأنه طفل يحقق في قضايا

brother beat>>ثلاث أخوان وأمهم الخبله

bambino>>طباخ مبتديء يعمل في مطعم ايطالي

وطبعاً باقي مسلسلات كثيره<<<مابقى مسلسل ماقلتيه خخخخخ<<<لاوشرايكم بعد بالتقارير المختصره هع

بس من خلال هالنبذات<<يعني"التقارير المختصره"

من خلالها بتلاحظون أنها مافيها شي درامي مع أن قصصها حلوه وغريبه

بتفهموني أكثر من خلال نبذات الدراما الكورية

لكن:

طبعاً فيه بعض الدرامات اللي فيها الحس الدرامي وهي:

hana yori dango>>بنت فقيره تقع في حب 2 من شلة أغنياء وتعاني

Last friends>>خمسة أصدقاء يعيشون سوا وتصير بينهم مواقف وحب وكل واحد عنده مشكله

Tatta hitotsu>>فقير يقع في حب بنت غنية لكنه يكتشف أنها مريضة وموتها قريب


_ - _ - _ - _ -_ - _ - _ -


الدراما الكورية:

قصصهم غريبة وأكثرها حزينة ودرامية وتحسون أنها قصص متعوب عليها..وتلاحظون أن أكثر القصص لازم فيها غني وفقير..والغني يكون غالباً مشهور يعني(أمير - فنان - ممثل - مغني)..وعندهم حس الأسرة يعني لازم القصه فيه أخوان..أو أقارب..وبعض القصص تكون ليست قريبه من الواقع

وهذي نبذات عن بعض الدرامات الكورية:

My girl>>بنت فقيره وكذابه تروح لعائلة غنية وتمثل أنها بنتهم المفقوده

A love to kill>>فقير يحب ممثله وتتزوج غيره ويحاول ينتحر وينشلّ وأخوه الصغير ينتقم له منها

sorry I love u>>واحد يكتشف أن عنده أخت توأم متخلفه وحاقد على أمهم اللي تركتهم للتبني وهي غنيه وأخوهم الصغير مغني ويحب ممثله

Cofee prince>>بنت مسوية نفسها ولد وتفتح مقهى مع صديقها الغني

If in love like them>>اثنين مريضين يحبون بعض البنت كانت مغنيه والولد فقير

Goong>>بنت فقيره تتزوج أمير غصب عنها وعنه بسبب اتفاقيه بين جدها والملك<<غير واقعي


طبعاً فيه درامات باقيه كثيييييييير لكن ماكتبت إلا اللي شاهدته

<<<فرق العدد عن الدراما اليابانيه هع ...وش اسوي أحب الدراما اليابانيه ^_^

_________________________________________________

2- من ناحية " الأحداث " :

الدراما اليابانيه:

أحداثهم سريعه وورى بعض..وحلقاتهم قليلة عددها من 10 إلى 12 حلقة...وهذا الشي اللي مايخليك تملّ من الدراما...


_ - _ - _ - _ -_ - _ - _ -


الدراما الكورية:

بطيئين في سرد الأحداث...ويجيبون لقطات مالها داعي يعني واحد يمشي يجيبونه من يطلع من البيت لين يوصل المكان الثاني تروح نص الحلقة على كذا...وهذا اللي يخلي حلقاتهم طويله وممله في النهايه..عددها من لايقل عن 15 حلقة..


____________________________________________


3- من ناحية "اللقطات الرومنسية":


<<<أحم احم أشوفكم الحين فتحتوا عيونكم هع ^_*

كل النوعين يعتبرون مؤدبين ومحترمين وفرق عن الأفلام الامريكيه اللي من أولها لأخرها دشاره

الدراما اليابانيه:

غالباً لايوجد لقطات مخلّه ...والشي الرومنسي عندهم هو :القبله الخروج في موعد


_ - _ - _ - _ -_ - _ - _ -


الدراما الكورية:

القليل من اللقطات المخلّه..والشي الرومنسي:أن الولد يشيل جكيته ويحطه على حبيبته عشان تدفى<<<ياكثر مايسوون هالحركه هع


________________________________________________

4- من ناحية " الشعب " :

الدراما اليابانيه:

الممثلين حلوين وعموماً ملامح اليابانيين أحلى من الكوريين...وطبعاً حياتهم أكشخ وأكثر تطور من الكوريين

تحس الكلام اللي يقولونه يطلع من قلبهم مو تمثيل..

لغتهم حلوه وسهله وواضحه..الحريم الكبار والأمهات يجون طيبين وحبوبين ومرتبين..

_ - _ - _ - _ -_ - _ - _ -


الدراما الكورية:

الممثلين بعضهم حلوين والبعض لا...وملامح الكوريين تقهر...وحياتهم بدائيه وفقر..ماعدا اللي يجيبونهم على أنهم أغنياء

طول وقتهم شتاء وبرد<<أحس ماعندهم صيف مساكين >_<

لغتهم تقهر بعد وصعبه ..وحريمهم عرابجه و حوسه..هع

________________________________________________

في النهايـــــــــــــــــــــة

بالنسبة لي الدراما اليابانية أفضل من جميع النواحي ماعدا من ناحية " القصة " فالدراما الكوريه تفوقت عليها في هالناحية فقط...


هذا كل اللي عندي ^_^

أنتم وش رايكم؟! هل تلاحظون فروقات أخرى؟!

ووش تفضلون أي نوع؟! اليابانيه أو الكوريه؟!

يسسلمو عالموضضوع لكن من رآي إنو الدرآما
الكوريه رومانسيه واليبانية تعليمية
فالإثنين حلوين لافرق لكن أنآ أتآبع كوري أكثر ..~